Ferskes binne ferskes tekst Jurjen van der Meer / Adri de Boer
Ik sjong foar dy in ferske,
spesjaal foar dy betocht.
Ik toverje dy foar myn geast,
yn ’t moaiste sinneljocht.
Wy rinne lâns it wetter,
wurde yn ’e waarmte wei.
Dyn rokje dûnset op ’e wyn..
de leafde nimt ús mei.
Ik blaas in tútsje nei dy ta,
wylst ik dyn namme rop.
Do glimkest, stekst dyn hân omheech
en fangst it tútsje op.
Dyn skuon gean út, ik wachtsje,
yn in fjild fol grien en giel.
En eefkes tink ik dat ik sweef…
sa fijn as ik my fiel.
Ferskes binne ferskes, mar dit ferske is foar dy.
Ferskes binne ferskes, ek al bist net mear by my.
It reint no al in wike,
‘k doch de gerdinen ticht.
’t Is stil yn hûs en tsjuster,
ynstee fan ljocht en licht.
Dan tink ik eefkes wer werom
oan wat de tiid ús brocht.
En toverj’ ik dy foar myn geast
yn ’t moaiste sinneljocht.
Ferskes binne ferskes, mar dit ferske is foar dy.
Ferskes binne ferskes, ek al bist net mear by my.
Ferskes binne ferskes, om’t it libben fierder giet
en ik dy net ferjitte wol, sjong ik foar dy dit liet.
Wite wolkens, blauwe loft, in flinter op in blom.
De waarmte fan in simmerdei, jouwe my dy werom.
Adri de Boer: sang, akoestyske slachgitaar
Sytse Broersma: basgitaar Ytzen Peterson: elektryske gitaren Richard Veltman: drums